Sukubo ng Isla Antigo 12 - Coolto!
Dahil sa utos ni Laura bunga ng kanyang pangitain, minanipula ni Alison si Bryan patungo sa isang motel. Ang kanilang masidhing pagtatalik ay nagbunga ng kakaibang koneksyon, lalo na kay Bryan, na pansamantalang nakalimot sa panganib. Kasabay nito, may hiwalay ding kaganapan kina Laura, Edna, Helen, at Fred. Nagtapos ang kabanata sa pamamahinga ng lahat bilang paghahanda sa susunod na misyon.
Chapter 12 - Coolto!
KINABUKASAN...
Hindi pa man sumisikat ang araw ay nagising na si Edna. Ngunit hindi ito ang karaniwang paggising. May kakaibang sigla at bigat siyang nararamdaman, isang enerhiyang tila nag-uumapaw mula sa kaibuturan ng kanyang pagkatao patungo sa kanyang mga kamay, sa kanyang isipan.
Sa pagmulat niya, tila hindi lamang ang silid ang kanyang nakikita. Itinuon niya ang kanyang focus sa isip at nararamdaman niya ang bawat nilalang sa paligid ng kanilang bahay—ang mga natutulog pa, ang mga naghahanda nang umalis. At higit pa roon, naririnig niya ang kanilang mga iniisip, isang sabay-sabay na bulungan ng mga pangarap, alalahanin, at mga lihim na pagnanasa.
Sinubukan niyang ituon ang isip at paniningin sa labas, sa kalsada. Sa isang iglap, tila lumutang ang kanyang kamalayan palabas ng bahay, naglakbay sa paligid gamit lamang ang lakas ng kanyang utak. Wala siyang kahirap-hirap na nagawa ito.
Sinubukan niyang ituon ang presensiya sa labas ng kanilang bahay. Sa isang iglap, tila dalawa ang kanyang kamalayan isa ay ang katawang naiwan sa kama. At ang isa, Parang isang ibon na walang bigat, lumipad ito palabas, sinundan ang pamilyar na ruta ng kalsada gamit lamang ang lakas ng isip.
Ganoon na lamang kadali, isang nakakalasing na kalayaan ang kanyang naramdaman.
Mula sa itaas, natanaw niya ang isang anyo sa ibaba—ang pamilyar at kinaiinisan niyang kapitbahay na si Cynthia, na kasalukuyang nag-iinat sa gilid ng kalsada bago ito...
What's Your Reaction?
Due to the nature of this site, you must be logged in to react.
